काठमाडौँको जाडो पनि रमाइलो हुन्छ
प्राय: आकाश खुल्ने गर्छ घमाइलो हुन्छ
बाटाहरू बिग्रेकाले खाल्डाखुल्डी धेरै
वर्षायाममा हिँड्दाखेरि हिलैहिलो हुन्छ
मोटरले धुँवा छोड्छन् दिक्क लाग्ने गरी
राति घर पुग्दा मान्छे कालोनीलो हुन्छ
गाडि चाहिँ असंख्य छन् सडक त साना
जाममा परी अफिस पुग्न सधैँ ढिलो हुन्छ
होलान् केही अवगुण काठमाडौँको तर
जन्मस्थान सम्झी मेरो आँखा गिलो हुन्छ
No comments:
Post a Comment